SUFANCI: MAKARANTAR GYARAN ZUKATA A MUSULUNCI

SUFANCI: MAKARANTAR GYARAN ZUKATA A MUSULUNCI

GABATARWA:

Assalamu Alaikum.

Sufanci hanya ce da take kira zuwa ga gyaran zuciya, da sada ta da Allah madaukakin Sarki, saboda zukatan su zama masu cikakkiyar biyayya da mika wuya gare shi ta hanyar aikata abin da yayi umarni da barin abinda yayi hani, Kamar dai yadda Al-Qur`ani da Hadisi suka yi nuni da kalmomi maban-banta, kamar (Tazkiyah –  Ihsan – Akhlaq – Tarbiyah) wadanda suka zo a Qur’ani da Sunna suna dauke da wannan sakon. Sahabbai (Allah ya Kara masu yarda) sun rayu karkashin babban jagora wanda shine, Masani, Malami, Alkali, Mai tarbiya, shugaban siyasa kuma jagoran yaki baki daya, hakan ne ya bada daman a sami sahabbai wadanda suka yi fice a daya daga  bangarorin, kamar wajen Ilimi da Ilmantarwa, tarbiya, da shiryatarwa, Fatwa da alkanci, Siyasa da jagoranci, kai har ma Yaki don kare ta’addanci. Anan ne aka sami AHLUSSUFFAH wadanda suka yi kokarin nesanta kansu daga rudin rayuwar Duniya tare da juyar da hankalin su zuwa yawaita ibada, zikirin Allah, neman  Ilimi da jiran JIHADI don daukaka Kalmar Allah, kuma wannan matafiyar taci gaba da yaduwa daga nan har suka koyar da mabiyansu (Tabi’ai) da na bayansu (Atba’ut Tabi`un), hakan yayi ta wanzuwa har wasu tsarkakan bayi na wannan zamani suka sami rabon su a ciki.

Lokutan da fituntunu suka  fara yaduwa tsakanin musulmi, zukata suka fara karkata zuwaga rudin Duniya, dai-dai lokacin da ake cikin matsanaciyar bukatar wadanda zasu sadaukar da kawunansu ga Musulunci sai wadannan magadan sahabban suka fara kebance mutane suna tarbiyan su kan hanyar sufanci domin daukan nauyin dake kan musulmai na yada Musulunci da ilimi, Kamarsu Imam Hasan al-Basry. Tsakanin wanan lokacin ne aka sami Kalmar  SUFANCI, bayan ma’nansa da manufansa da ayyukan sa na gyara zukata da sada ta da Allah sun tabbata da diga-digan su.

Manyan jigon ayyukan Sufaye sune:  – Tsarkake zukata ta hanyan karatun Kur’ani da Azkar din dasu suka inganta. – Kyautata fuskantar Allah ta hanayar biyayya ga umarnin sa da barin hane-hanen sa, tare da kyautata zamanta-kewa da bayin sa. – Raya soyayyar Annabi Muhammad sallal Lahu alaihi wasallam a zukata tare da aiki da abin da yazo dashi. – Yada Ilimi da kokarin daukaka Kalmar Allah a kowane hali mutum yake. – Samar da soyayyar juna tsakanin musulmi da zaman lafiya tsakanin mabiya addinai maban-banta. – Kira zuwa ga Allah ta hanyoyin da Musulunchi ya gindaya. A karkashin sufanci aka samar da DARIKUN SUFAYE kamar yanda aka sami MAZHABOBI a ilimin Fiqhu dana Tauhid da sauransu, duba zuwa ga sunnonin Manzon Allah sallal Lahu alaihi wasallam wadanda suka zo suna kwadaitar da mutane zuwa ga ayyuka masu kyau, sai malaman sufanci suka sha ban-ban wajen fifita wani aiki a kan wani, ko wacce hanya tafi wata, ba tare da karyata dayan ba ko rage masa matsayi. Wannan shafi zai kokarin samar da bayanai gamsassu akan wannan makarantar, kama daga manufan SUFANCI da ayyukansa a aikace da kuma takaitaccen gudummawar da sufanci, sufaye suka bayar a Musulunci.

Sheikh Dr. Ibrahim Ahmad Maqari

Comments

comments


10 Comments

Avatar

ghali

May 4, 2016 at 11:33 am

comment

Avatar

fuad

June 10, 2016 at 1:15 pm

subhanallah

Avatar

usman isah

June 22, 2016 at 6:13 pm

Alhamdulillah, well presented and spiritually magnetizing, the message is clear that, Allah is the one and only.

Avatar

1

August 8, 2016 at 3:55 pm

1

Avatar

Ashiru bala

September 3, 2016 at 9:21 pm

Asslamu’alaikum
our Allah protect our ulamah and gaide them to the street parth

    Avatar

    tazkiyah

    September 5, 2016 at 10:19 am

    Ameen thumma Ameen @Malam Ashiru Bala. Jazakallah

Avatar

Ashiru bala usman

September 18, 2016 at 8:42 am

Assalamu’alaikum
please I want to give my contribution in this zawuya therefore, which prisidure I follow.
Thank you.

Avatar

ayuba abubakar

September 21, 2016 at 2:09 pm

jazakallah khair

Avatar

Muhammad Bello

October 20, 2016 at 4:07 pm

Alhamdulillah!

Avatar

El-kabir Bashir

December 9, 2016 at 8:23 am

Jaza kumullahu big khairin wa taufiq

Leave a Reply